MJA-te'n kawng chhe zual siam turin ngen

MJA, Mamit District hruaitute chuan April 2, 2015 khan NH-44A kawngpui laih mek chu a hmunah an enfiah a; kawng siamtute chu fûr thlen hma ngeia kawngpui chhe zual laite thawm ṭha turin an ngen.

Mamit MJA-te chuan, kawngpui chu double lane tura mek a nih avang­in hmun tam takah kawng a chhe hle tih sawiin, fûr ruahtui tlak hmaa siam ṭhat a nih loh chuan khawthlang tlangdungte'n harsatna an tawk thei dawn tih an sawi a; kawng siamtute chu fûr thlen hmaa kawng khuar zual laite hnawh tur leh, lirthei eng chi pawh a kal theihna tura thawk turin an ngen a ni.

MJA-te chuan, kawng laih mek­in blacktop tawh a chhilhte chu hâi fai turin an hrilh nghal bawk a; kawng siamtute chuan a theih ang anga ṭan an lak tur thu an lo hrilh.

Mamit MJA-te hi an president R Lalmuanpuia hoin an thawk chhuak a, kawng siam hna thawktu Gyatri company hotute leh PWD (Highway) division hotute'n an lo dawngsawng a ni.