Zirlaite khuaikhemah headmaster an puh

Tuipuiral Zirlai Pawl (TZP) chuan thuchhuah siamin, Vanzau Middle School-a headmaster JM Suan Do Chin-a'n hun rei tawh tak aṭangin a zirlaite vaubetin, mipat hmeichhiatna a hmanpui lui ṭhin niin an tarlang a; headmaster dang dah turin sorkar an ngen.

TZP chuan, Vanzau MS headmaster chet dan chu tun hnaiah hriat chhuah a nih thu an sawi a, "Zirlai kumtling lo mai bakah, rualbanlote thlenga a khawih hi kan duh loin kan dem tak zet a, zirtir hna thawk tlak lo leh zirlaite himna tibawrhbángtu zirirtu hi sorkarin a phû tawka hrem bakah, zirtir hna thawk zui tawh lo tura hrem turin kan phût a ni," an ti.

Champhai aṭanga thu dawn danin, JM Suan Do Chin hi Champhai police-te'n March 30, 2015-ah an man a, March 31-ah Champhai Police Station thlenpui a ni.