Mizoram ka hre reng ang - Dr. Aziz Qureshi

Mizoram Governor aṭanga chhuak ta, Dr Aziz Qureshi chuan chief minister Lal Thanhawla hnenah lehkha a thawn a, "Mizoram mipui leh in pi leh pute sûlhnû ropui tak hi ka theihnghilh ngai lo ang," a ti.

Dr Aziz Qureshi chuan Mizorama a awm chhunga Chief Minister leh a thawhpuite'n ṭha taka an thawhpuinaah lawmthu a sawi a, "Ka theih ang chin chinah Mizoram hriatrengna atan Mizoram tan theihtawp ka chhuah ang," a ti a; CM leh thawhpuite bakah, Mizoram sorkara officer-te chu Mizoram tana an thawh zelna turah duhsakna a hlan a ni.

Dr. Qureshi hian Inrinni khan Mizoram a chhuahsan a, sorkar hotu engemawzatin Lengpui Airport thleng an thlah. Dr. Qureshi chuan gover-nor aṭanga ban a nih danah hian sorkar laipui chu Supreme Court-a khin a tum thu a sawi.