KHAWTHLIR
Thisen pe
Inrinni khan Mizoram Collegiate Hostel (boys & girls) chuan Aizawl Civil Hospital-ah thisen unit 28 an pe a, a petute mipa 18 leh hmeichhia 10 an ni. Champhaia Assembly of God-in Champhai District Hospital-ah unit 27 an pe a, a petute mipa 25 leh hmeichhia pahnih an ni a; HATIM, Lunglei pawhin Lunglei Civil Hospital-ah thisen unit riat an pe bawk.
Ruang chhar
April 3, 2015 khan Phunchawng Mel-10 lui bulah mipa ruang chhar a ni a, tunge a nih hriat a la ni lo. Ft. 5'4'' vela sang, t-shirt dum leh track kekawr ha, a bán pahnihah tattoo chhu ve ve ni.
Thing leh mau Vbc. 1.61 man hralh
Environment & Forest dept. chhinchhiah danin, kum 2010-2014 chhung khan Inner Line Reserved Forest Area huam chhung aṭangin thing leh mau Rs. 1,61,84,777 hralh chhuah a ni.
Mizoram atangin JEE-ah mi 286
April 4, 2015 khan India ram pumah Joint Entrance Examination neih a ni a, Mizoramah pawh Mizoram Institute of Comprehensive Education (MICE) Venghlui leh Kendria Vidyalaya, Zemabawkahte exam buatsaih a ni. JEE-ah hian Paper-I ah subject pathum - Physics, Chemistry leh Mathematics awmin, exam beitu 149 an awm a; Paper-II ah subject pathum - Mathematics, Aptitude Test leh Drawing Test awmin, mi 137 an exam a ni.
Kulikawn Centenary
Kulikawn Presbyterian Kohhran chuan an kum 100-na, Centenary an lawm mek pualin Inrinni khan Kulikawn YMA Hall-ah free clinic leh blood donation camp an buatsaih a; mipa 30 leh hmeichhia 12-in Aizawl Civil Hospital tan thisen unit 42 an pe. Free clinic-ah mi 320 an inentir a, doctor, nurse leh thawktu dang mi 32-te'n an enfiah a ni.