Chhawr chhunzawm turin ngen

MPC party chuan, RMSA hnuaia laboratory attendant, school clerk leh guidance & counselling staff-te rawihna tur sum March 31, 2015 thleng bak sorkar laipuiin a pek theih loh vanga April 1, 2015 aṭangin rawih zui theih an ni lo chu pawi an tih thu leh an lainat thu an tarlang a; an harsatnate sutkiansak turin Mizoram sorkar an ngen.

MPC chuan, RMSA laboratory attendant, clerk leh guidance & counselling staff-te chu nupui fanau châwm te, an hna vanga loan late leh hna dang zawng tura kum over tawhte an nih thu an sawi a; an dinhmun harsatna hrethiam a, contract basis-a chhawr chhunzawm dan ngaihtuah turin sorkar an ngen a ni.