Rial den chhiat in neitute ṭanpuina pe

April 2, 2015 chawhnu lama ruahsur, thli tleh leh rial tla vanga in chhia hriat belh zel a ni a; Mamit district khaw ṭhenkhatah pawh in eng emaw zat a chhia. In chhiate chu an awmna district thuneitute'n an enfiah a, ṭanpuina awm thei angte an pe a ni.

Mamit district-a West Bunghmun khuaah chuan in 200 vel a awm a, chung zinga in 150 vel chu rialin a chung rangva a déng chhia a, Zopui khuaah pawh in 50 vel chu rialin a chung a dêng chhe bawk. In chhiate chu Mamit DC aiawhin officer-te'n an enfiah a, silpauline leh ṭanpuina awm thei angte an pe a ni. In chhiate chu vawiin lam hian khawtlangin hnatlangin an siam ang.

April 2-a rial tla hian Serchhip district-a Bungtlang khuaah in 100 chuang a deng chhia a, Serchhip khawpuiah in 68 leh Thenzawl Vengthlang leh Venghlun­ah in 90 chuang a déng chhe bawk. In chhia­te chu April 3 khan hnatlangin khaw mipuite'n an siam ṭha a, in chhia neitute chu Serchhip BDO-in silpauline a pe a ni.

Rial tla hian Lunglei district-a Dengsur khuaa in awm 96 zinga 61 leh South Khaw­leka in eng emaw zat a déng chhe bawk.