Innei tharte tan Pawisa chawi a ngai lo

Mizoram Legislative Assembly-in Mizo inneih, inṭhen leh rokhawmna dân thar, 'The Mizo Marriage, Divorce and Inheritance of Property Act 2014' a siam tak vanga innnei turte tana pawisa chawi ngai a awm anga thuthang awm chu thu dik lo a nih thu, Law & Judicial department hotute chuan Vanglaini an hrilh.

Law & Judicial hotute sawi danin, mi ṭhenkhat chuan internet-a thu thawn darhna pakhat, Whatsapp-ah innei turte tan Rs. 3,000 chhiah chawi a ngai angin an thawn darh a ni. Law department hotute chuan, dân tharah hian innei turte tana pawisa chawi a ngaih thu inziak a awm lo a, pawisa chawi a ngai dawn lo bawk tih sawiin, mipuite chu chî-âi lo turin an ngen.