MPSC-ah mipui mimir pawm tlân theihah harsatna awm lo: Tawnluia

MNF senior vice president Tawnluia chuan, MPSC chairman leh member ruatah mipui mimir pawm tlân theih leh theih lohin awmzia a neih thu sawiin, "Member atan C Zorammuana, DIG pension an ruatah sawiselna a awm lo. Pian kum buai thu hlate leh a dangtea mipui an phunnawina ang chi a awm ve lo," a ti.

Nimina Mizo Hnam Runa inkhawmah thu sawiin, Tawnluia chuan, March 28, 2015-a hel kut tuara police pathum an thi chu pawi a tih thu a sawi a; hmun rálmuang lo a ni chung leh MLA pathum an kal chunga venhimna an pek dan chu a chaurau lutuk nia sawiin, an dem thu a sawi. "Kan himna hi ngai pawimawh rawh se, awráwl leh vaupûng ringawt hi kan him phah lo," a ti.

Tawnluia chuan, village council leh local council inthlan awm tura candidate siam chungchang chu unit-te thuneihna a nih thu a sawi a; harsatna a awm a nih erawh chuan block-ah thlen tur a ni a, chu chu general headquarters-in a enpui tur thu a sawi bawk.