CS hoin President dawnsawn dan tur sawiho

April 9, 2015-a President Pranab Mukherjee-a'n Mizoram a rawn tlawh tura inbuatsaihna thlirin nimin khan chief secretary Lalmalsawma hoin CS conference room-ah sorkar mi pawimawhte an ṭhukhawm.

Meeting-ah hian venhimna leh kalkawng chungchang te, medical, cultural programme leh dinner neih dan turte an sawiho. Pranab Mukherjee hian April 9-ah sorkar mi pawimawhte a kâwm ang a, April 10-ah Mizoram University convocation a hmanpui zawhah Mizoram a chhuahsan ang.

Hetih lai hian Aizawl DC chuan thupek chhuah­in, President-in Mizoram a rawn tlawh dawn avangin April 9-10 ah thlawhna veivak a buai lohna atan Lengpui, Hmunpui, Serzawl, Nghalchawm, Lengte, Sihhmui, Sairang Dinthar leh Mualkhang khuate tan lo/huan/leipui hâl khap a nih thu a puang.