STEE dan tihdanglam sawifiah phût

BJP Mizoram Pra­desh vice president Niru­pam Chakma chuan chief minister Lal Thanhawla hnenah lehkha thawnin, Higher & Technical Education department-in tun hnaia The Mizoram (Selection of Candidates for Higher Technical) Rules 1999 a siam dang­lam chu chiang zawka sawifiah turin a ngen.

Nirupam Chakma chuan a lehkhaah STEE Category-I hrilhfiahnaa 'Zo-ethnic people who are native in­habitants' tih telh a ni chuan Chakma mipuite a barakhaih hle niin a ziak a; dan hrilhfiahna tihdanglam chu chiang zawka sawifiah tur leh, Chakma leh Bru-te hamṭhatna leh himna tur ngaihtuah a, dan tihdanglam chu sût turin a ngen.