Mamit district-ah ziak leh chhiar thiam lo 7,819
Nimin khan Mamit BRC-ah 'Total Literacy Drive' ṭan a ni a, Mamit DC Vanlalngaihsaka'n a hawng.
Total Literacy Drive hi Mamit district-a puitling, ziak leh chhiar thiam lo mi 7,819 te'n ziak leh chhiar an thiam theihna atana beihpui thlakna tur a ni.
Total Literacy Drive hawnna Vanlalnghaihsaka chuan, "Kan district-ah ziak leh chhiar thiam lo heti zat an awm avang hian ram thim sut tur kan nei chhah hle. Ziak leh chhiar thiam lote thiamtir tura ṭan kan lak rual hian, zirna lama hmasawnna duhawm lehzual kan neih theihna turin thiamna hmantlak leh chhenfakawm naupangte'n an neih theihna atan ṭhahnem ngai tak leh inpekna thar nen ṭan lak a ngai a ni," a ti.
Mamit district-ah hian puitling ziak leh chhiar thiam lo 7,819 an awm a, mipa 2,402 leh hmeichhia 5,417 niin, a thawh khatnaah mi 1,000 thiamtir phawt tum a ni. Mi pakhatin ziak leh chhiar an thiam chuan a zirtirtuin Rs. 300 zel an hlawh ang.