Sikul ṭan hma tihhlawhtlin tum

Mizorama sorkar sikul zirtirtu pawl palite nimina School Education directorate conference hall-a ṭhukhawm chuan, sor­karin sikul ṭan hun a sawn hma chu a hlawh­tlin theih nan a ṭul anga hmalak an rel.

Primary school, mid­dle school, high school leh higher secondary school-a zirtirtu pawl pali - MPTA, MSTA, MIS­STA leh HISSLAM hruaitute inhmukhawm chuan zing dar 8-a sikul ṭan chungchang an sawiho a; thuchhuah siamin, "School timing thar sorkarin a siam hi a theih chin chin­ah ti­hlawhtling tura hmalak ṭha kan ti a; zirlaite'n ṭha taka lehkha an zir theih nan, zirlai nu leh pate leh zirlai pawlte pawh harsatna siam lo turin kan ngen tak meuh meuh a ni," an ti.