Serchhipah International Trade Expo

Nimin khan Serchhip district bawrhsap Paul L Khuma'n Serchhip Auditorium-ah International Trade Expo a hawng. Expo hi September 6 aṭanga neih ṭan ni mah se, an thlen kim lawk loh avangin nimin khan hawn a ni a, September 24, 2024 thleng a awh ang.

Trade Expo-ah hian dawr 40 siam a ni a; Mizorama lei mai tur awm lo lehkhabu chi hrang hrang, thawmhnaw, in chhung bungrua, choka hmanrua, khawl thil leh ei tur chi hrang hrangte lei tur a awm. Maharastra, Uttar Pradesh, West Bengal, Delhi leh India ram hmun dangte bakah, Thenzawl leh Lunglei aṭangin sumdawngte'n dâwr an hawng a ni.

Serchhip Bawrhsap chuan, Zorun Events ṭhahnemngaihnaa India ram hmun hrang hrang aṭanga mipui mamawh lei tur tam tak Serchhipah chhawp chhuah a ni chu lawmawm a tih thu a sawi a, "International Trade Expo buatsaihtute'n market zirchianna an neihnaah Serchhip mipuite chu mi fel leh inhawng tak, thawhpui nuam leh event lian tham buatsaih pawha hlawhtlinpui tham nia an hmuh avanga expo neih nan an rawn thlang hi a lawmawm," a ti.