YMA-in chak taka ruihhlo do rel

YMA rorelna sang ber dawttu, Central Coordination Committee chu nimin khan Central YMA Hall-ah an ṭhukhawm a; YMA-in ruihhlo (drugs) do beihpui thlak a lo rel tawh chu chak taka kalpui chhunzawm zel an rel.

YMA CCC meeting hi Central YMA president Lalbiakzuala'n a kaihruai a, member 157 an kal. CYMA general secretary Valalruata'n report a pe a; YMA General Conference vawi 70-na, Bairabi-a neih hun atan October 20-22, 2015 an pawm.

YMA CCC thurelte:

1. YMA-te'n MLTP Act hmang chhun­zawm zel tura Mizoram sorkar kan ngen chung pawha MLPC Act hman a lo ni ta hi YMA chuan pawi a ti hle a. Hun rei lo te chhung pawhin a nghawng ṭha lo a, hun lo kal leh zel tur kan thlirin, kan ram tan a ṭha lo hle a ni. MLPC Act hi a hmang chhunzawm zel dawn a nih chuan mi lian leh mi tê thliar loin, sorkar hnathawk leh man ngam leh ngam loh awm loin, khauh takin kalpui se la, a dan lekkawhtute pawhin dan ang takin hma la se kan ti.

2. Ruihhlo (drugs) do beihpui thlak lo rel tawh pawh meeting chuan chak taka kalpui chhunzawm zel ni se kan ti.

3. Maxi-cab stand khawpui lailí aṭanga sawn chhuak lo tura sorkara thlen ni se kan ti.