Vawiinah President a lo zin dawn

President Pranab Mukherjee chuan zan khat riak turin vawiin hian Aizawl a rawn thleng dawn a; ruahman dan chuan vawiin tlai dar 4:00-ah Lengpui Airport a thleng ang.

President hi Mizoram sorkar hotute'n Lengpui Airport-ah an lo hmuak ang a, Lengpui aṭangin helicopter-in Ṭhuampui helipad-ah a ṭum ang a, Zuangtui aṭangin Raj Bhavan a pan dawn a, Raj Bhavan-ah hian sorkar hotute leh NGO hruaitute nen an inkâwm ang.

Pranab Mukherjee hian naktukah Mizoram University convocation a hmanpui dawn a; chumi zawhah MZU aṭangin helicopter-in Lengpui Airport a pan nghal ang a, Mizoram a chhuahsan dawn a ni.