Naupang humhimna dan zirho

Champhai district-a police-te tan nimin khan Champhai SP conference hall-ah ni thum awh tur, 'Protection of Children from Sexual Offences Act, 2012' zirhona buatsaih a ni.

Training-ah hian advocate Lalfamkimi'n Protection of Children from Sexual Offences Act, 2012 a sawifiah a; Mizoram State Child Protection Society programme manager-in Justice Care and Protection of Children Act, 2000 chungchang leh dan hnuaia police-te mawhphurhna a sawi.

Protection of Children from Sexual Offences Act (POCSO) hnuaiah hian pawngsual leh khuaikhem thubuai ngaihtuahtu bik Aizawl leh Lungleiah Special Court din a ni tawh a; POCSO Act hian naupang thubuaite hi kum khat chhunga ngaihtuah zo ngei turin Court a phût a ni.