Zirtirtu tling lo bàn turin ngen

Lai Students' Association (LSA) hruaitute chuan LADC hnuaia middle school-ah zirtirtu atana tling lo lak a awm tih an hriat avangin, bàn turin April 7, 2015 khan LADC chief executive member hnenah an thlen a; LADC CEM chuan a bawhzui nghal tur thu a lo hrilh.

LSA thuchhuah chuan, M/S pakhatah zirtirtu qualify lo lak an awm niin an hria, an chhui chian hnuah zirtirtu ni tura thiam­naa tling lo a ni ngei tih an hmuhchhuah avangin LADC CEM-ah bàn turin an ngen tih a tarlang a; tun hma aṭangin LADC hnuaia hna lakah qualify lo lak a awm zeuh zeuh tawh thu sawiin, chutiang chu a thlen tawh lohna turin LADC CEM chu an ngen bawk.