Mamit DC-in in chhiate ṭanpui
Mamit district-a Zopui khaw mite chuan rialin an in chungte a den chhiat nasat avangin tawm hulna tur an la nei lo tih sawiin, nimin khan Mamit DC Vanlalngaihsaka hnenah an harsatna tawhte an thlen a; DC chuan ṭanpuina a lo pe.
Zopui khawtlang hruaitute chuan, April 2, 2015 khan an khuaah darkar khat chhung vel rial a tla a, in chung an den pawh nasat avangin in chhunga awmte chuan thingphel chhuat kar phawngin inhnuaiah tawm himna an zawng niin an sawi. An sawi danin, Zopui-ah hian chenna in 24 a awm a, chungte chu rialin a chung a deng pawp nasa hle a ni.
Mamit DC chuan Zopui khaw mite harsatna chu hrethiamin, ṭanpuina hmasa atan chhung tin hnenah Rs. 3,800 leh silpauline pakhat ṭheuh a lo pe a ni.