Nausen thi tihtlem dan tur sawiho
Serchhip district chhunga nausen thihna titlem tura ṭan lak dan tur nimin khan Thenzawl mipuite zirtir an ni a; Thenzawl khawtlang hruaitute leh kohhran hruaitute an tel. Zirhona hi Serchhip district CMO office huaihawt a ni.
Serchhip CMO Dr Laldawngliana chuan, Serchhip district chu Mizoramah IMR sanna ber dawttu a nih thu sawiin, April 2014 aṭanga kumin February thlengin naupiang 13 an thi tih a sawi a, nausen thihna titlem turin khawtlang hruaitute bakah kohhrante tan inzirtirna zau zawk buatsaih a ṭul thu a sawi bawk.