KHAWTHLIR

Kawng tlang beisei
Aizawl-Lunglei World Bank kawngpui, Hmuifang tlang tawntirha April 7, 2015-a kawng chhak aṭanga lung leh lei tlain a hnawh pin chu nizan khan lirthei kal theiha siam tlang beisei a ni a; he thu ziah lai hi chuan siam tlang a la ni lo. PWD chief engineer K Lalsawmvela sawi danin kawnga lung tlate hi a len bakah, a chan em avangin hna thawh chak a harsa a ni.

Thanzara zin
Nimin khan New & Renewable Energy minister Piyush Goyal hoin Guwahati-ah state leh union territory-a Power & Electricty minister intawhkhawmna buatsaih a ni a, Mizoram aṭangin P&E enkawltu minister of state Lal Thanzara a tel. Conference hi vawiinah chhunzawm a ni ang.

NERAP sawiho
Chief electoral officer (CEO) Manisha Saxena hoin nimin khan a pisa-ah NGO leh mobile service provider-te'n National Electoral Roll Purification & Authentification Programme (NERPAP) campaign neih mek an sawiho. NERAP hi electoral roll dik leh felfai a awm theihna atana Election Commission of India-in ruahmanna an siam a ni.

Mamitah meeting
Mamit District Level Inter-Departmental Coordination Committee chu nimin khan an chairman, Mamit DC Vanlalngaihsaka hoin DC conference hall-ah hoin an ṭhukhawm a; an hmalakna hrang hrangte leh thawhhona ṭha an neih zel theih dan tur an sawiho.

ICU hawng
Cheng nuai 50 chuang senga siam, Christian Hospital, Serkawna intensive care unit (ICU) chu nimin khan hawn a ni. Christian Hospital ICU ah hian khum pahnih dah a ni.

Ford showroom
Bawngkawn-Sairang road-a Ford Showroom leh Servicing Station thar chu nimin khan chief minister Lal Thanhawla'n a hawng.