Tourism deptt-in tourist lodge pahnih an privatise

Tourism department enkawl ṭhin tourist lodge pahnih - Buhchang leh Paithar khuaa mite chu mimal enkawl tura hlan (privatise) a ni a; heng tourist lodge enkawltu turte leh Tourism depart­ment chuan April 8 khan memorandum of under­standing (MoU) an ziak.

MoU ang chuan, tourist lodge-te chu mi­mal­in kum 10 chhung an enkawl dawn a, a ṭul dan azirin pawhsei theih a ni ang. Tourist lodge-te chu thil dang atana hman phal a ni lo a, mikhual thlenna atana hman zui tur a ni.

Tourism department hnuaia din, Disinvestment Committee chuan Mizo­ram hmun hrang hranga tourist lodge-te chu mi­mal kuta hlan turin nikum khan tender a tichhuak a, tourist lodge eng emaw zatin enkawl tura chhangtu a neih laiin, tourist lodge ṭhen­khat chu chhangtu an awm lo. Buhchang leh Pai­thar tourist lodge bâk chhangtu neite chu fimkhur thilah ennawn leh tura dah a ni.

Toursim department chuan tourist lodge privatise a nih chhan ber chu - thawktu indaih loh vang leh a tui mite tana eizawnna siamsak a nih thu an sawi a, "Tourist lodge tam zawk mimal kuta hlan turin hmalak zel tum a ni," an ti.