NLUP-a Horticulture hmalakna sawiho

Horticulture officer-te leh NLUP Monitoring Committee-te chu nimin khan Horticulture minister PC Lalthanliana hoin Horticulture Committee Room-ah an ṭhukhawm a; kum 2015-16 chhunga NLUP hnuaia Horticulture department hmalak dan tur an sawiho.

Minister PC Lalthanliana chuan, NLUP hnuaia horticulture trade thlangtute chu a hun takah thlai chi ṭha leh hrisel phun tur pek hman vek tum an ni tih sawiin, "Beneficiary ti ṭhate chu ngaihtuah leh chhawmdawl zel tur an ni a, a tiṭha lo leh rinawm lote chu an phu tawka hremna pe turin infuih reng a ni," a ti.

Meeting-a an rel danin, serthlum huan thlangtute'n a hun takah serthlum ṭiak ṭha leh hrisel an phun theih nan NLUP Inspection Team-te'n April thla chhungin Mizoram puma thlai chi buatsaihna nursery-te an endik leh vek dawn a ni.

Meeting-ah hian parliamentary secretary (Horticulture) K Lalrinthanga leh Horticulture secretary B Lalhming­thanga-te pawh an tel.