CYMA-in ruihhlo an mante tiral

Central YMA Kumpuan Committee-in December 12, 2023 aṭanga September 9, 2024 chhunga ruihhlo chi hrang hrang an mante chu nimin khan CYMA pisa kawtah tihral a ni.

Ruihhlo tihral pual hian CYMA Hall-ah inkhawm buatsaih a ni a; CYMA assistant secretary Fabian Lalfakawma'n Kumpuan Committee hmalak dan a sawi a, CYMA president Lalhmachhuana leh Synod moderator Rev. R Vanlalnghaka ten thu an sawi. Inkhawm zawhah Synod Modertor-in ruihhlote chu a tiral.

Fabian Lalfakawma tarlan danin, December 12, 2023 aṭanga September 9, 2024 chhunga Kumpuan Committee-in ruihhlo an man zawng zawng chu cheng vbc. 5.58 hûa chhût a ni.

Ruihhlo kaih­hnawihah mi 1,507 khâwm an ni a, an zinga 360 chu home hrang hrang - TBCC, OKM, TNT, Golgotha etc.-ah dah luh an nih laiin, mi 333 chu Excise & Narcotics department, Police, FDA leh Customs kutah hlan an ni.

CYMA pisa kawtah hian ruihhlo ṭhenkhat chauh tihral a ni a, a tam zawk chu incinerator-ah hâl a ni.