Khua/veng 233-ah ASF vangin vawk 12,294 thi, vawk 21,138 suat

Vawk pùl hri, African Swine Fever (ASF) vangin nimin thleng khan Mizorama khua/veng 233-ah vawk 12,294 a thi tawh a, vawk 21,138 suat a ni tawh. Nimin bikah ASF vanga vawk thi leh suat 333 a awm.

AH&Vety department chhinchhiah danin, kumin 2024-ah January 1 aṭanga nimin thleng khan Mizorama khua/veng 233-ah ASF vanga vawk thi leh suat zawng zawng chu 33,432 a tling tawh a ni.

Nimin khan district pangaa khua/veng 21-ah ASF vangin vawk 111 a thi a, vawk thi tam berna khua Chhumkhum, Lunglei district-ah 19 a thi.

Nimin vêk khan district pangaa khua/veng 26-ah ASF hri darh tur ven nan vawk 222 suat a ni a; vawk suat tam berna Lungtan khua, Khawzawl disrtict-ah vawk 54 suat a ni.

Nimina ASF kaihhnawiha vawk thi leh suat zawng zawng chu 333 a ni.