Minister pahnih lo zawhnaah an tel

Agriculture minister PC Vanlalruata leh Horticulture minister Prof. Lalnilawma te chuan nimin khan Tuivawl lui kama Bualphung Zaù-ah Maite khaw lozawh rûnpui an hmanpui.

PC Vanlalruata chuan, kut hnathawktute dinchhuah nan sorkarin ngaihtuahna a hman nasat thu sawiin, "Thlai chi li - aieng, sawhthing, hmunphiah leh hmarchaahte bul ṭan a ni a, thlai dangah pawh hmalak tum zel a ni," a ti a; kut hnathawktute'n phûr taka hna an thawh theih nan thlai man bituk sa neih a ṭul thu a sawi.

Prof. Lalnilawma, bialtu MLA ni bawk chuan, Maite khaw ram chu sawhthing chinna atana ram ṭha a nih thu sawiin, "Sorkarin sawhthing chingtute tan theihtawp a chhuah mek zel. Sawhthing hi sorkarin Rs 50 aia tlawm lo turin a man bituk tawh a, hei hian kut hnathawktute a khai chhuah theih ka beisei," a ti.