International Literacy Day hmang

Lunglei district leh Kolasib district-ah nimin khan International Literacy Day (September 8) pualin hun hman a ni a, Day puala buatsaih essay leh drawing & slogan writing competition lawmman sem a ni

International Literacy Day puala Lungleia intihsiakna chu District Hub for Empowerment of Women, District Prog-ramme Office, Lunglei leh District Education Office-ten primary school, middle school leh high school zirlaite puala an buatsaih a ni a; intihsiaka lawmmante chu Lunglei district bawrhsap R Lalṭhazuala'n a pisaah a sem.

Kolasib-ah chuan IPR conference hall-ah International Literacy Day hman a ni a, bawrhsap Robert C Lalhmangaiha'n hmanpuiin, "Kan ziak leh chhiar thiamnaah hian duhtawk mai loin, kawng hrang hranga hman ṭangkai dan tur kan hriat a ngai a ni," a ti. DC hian Day puala primary school, middle school leh high school zirlaite tana buatsaih essay leh drawing & slogan writing competition lawmman a sem a ni.

International Literacy Day hi United Nations Organisation hnuaia pêng pakhat, United Nations Educational, Scientific and Cultural Organization (UNESCO)-in October 26, 1966-a General Conference-a a rel angin September 8-ah hman ṭhin a ni a; kum 1977-ah hman ṭan a ni.