Lunglei khawpui kawngpui endik

Lunglei Municipal Council (LMC) huam chhungah lirthei chet vel dan mumal leh felfai zawk a awm theih nan tunlai hian LMC, traffic police leh local council-te'n hma an la mek a; nimin zing khan Lunglei Chanmari-a kawngpuite an endik.

Chanmari-a kawngpui endiknaah hian LMC aṭangin vice chairman K Lalrinawma leh chief executive officer Donny Lalruatsanga, traffic police aṭangin Lalṭhabuanga leh Chanmari LC aṭangin chairman C Ralliana leh vice chairman Zohluta te an tel a; lirthei hûnna hmun rem leh rem lo laite an endik a ni.