MP-in I&B Minister a kâwm

Lok Sabha MP C Lalrosanga chuan September 28, Thawh­ṭanni khan Delhi-ah Union Information and Broadcasting minister Prakash Javadekar a kâwm a; Mizorama Doordarshan leh All India Radio-in harsatna an tawhte leh tihhmasawn dan turte a sawipui.

C Lalrosanga chuan, DDK, Aizawla programme leh chanchin thar lam enkawltu tur hotu bik an awm loh thu I&B Minister a hrilh a; senior officer leh Indian Information Service mi leh sa dah turin a ngen. Minister chuan, I&B Secretary be nghalin, DDK Aizawl enkawltu tur senior officer dah turin a hrilh nghal a ni.

Lok Sabha MP hian Prasar Bharati chief executive officer Sashi Shekhar Vempati leh mem­ber (Finance) Rajeev Singh-te pawh a kâwm a; DDK, Aizawl programme chhun dar 12 aṭanga chhuah ṭhin chu programme tluan­tling pangngaia siam turin a ngen. AIR leh Door­darshan-a thawkte'n tun thlenga HRA arrear an la hmuh loh thu a thlen bawk.