Florence Nightingale Award H Mankimi hnenah hlan a ni

H Mankimi w/o R Sanghmingthanga, Serchhip IOC Veng chu nimin khan nurse ṭha chawimawina, National Florence Nightingale Award 2024 hlan a ni.

National Florence Nightingale Awards hlanna inkhawm hi India President chenna Rashtrapati Bhavan-ah buatsaih a ni a, President Droupadi Murmu-i'n a hlân. H Mankimi rual hian mi dang 14 hlan an ni bawk. Florence Nightingale Awards dawng tur hi sorkar laipuia Ministry of Health and Family Welfare-in an thlang ṭhin.

H Mankimi hian September 7, 1991 khan Mizoram sorkarah staff nurse hna a thawk ṭan a, Khawlailung, Hnahthial, Tlabung leh Serchhipahte a thawk a, a hun tam zawk chu Serchhip District Hospital-ah a thawk. Serchhip District Hospital aṭang hian ward superintendent (senior nursing officer)-in kumin April thla tir khan a pension a ni.

India rama nurse chawi­mawina sang National Florence Nightingale Awards hi Mizoram aṭangin mi 12-in an dawng tawh nia thu dawn a ni.