Fimkhur turin mipui chah
India Meteorological department-in hriattirna a tihchhuahah September 12-13, 2024 hian Mizoramah nasa taka ruahsur thei nia tarlan a ni a; hei vang hian Disaster Management & Rehabilitation (DMR) department chuan leimin leh chhiatna thleng thei laka fimkhur turin mipui a chah.
DMR department chuan, mahni in leh a vela tui kal dante ennawn turin mipui a chah a, "Leimin hlauhawm leh chhiatna lian tham thlen thei àwm a awm chuan thuneitute hnenah a rang lama hriattir zel turin kan inngen. Ruahsur nasa vanga harsatna awm theiah sorkar department hrang hrangte mahni mawhphurhna ṭheuh hlen tura theihtawp chhuah turin kan inngen e," a ti.