National Forest Martyrs Day hmang

Environment, Forests & Climate Change department chuan nimin khan State Forest Training Institute-ah National Forest Martyrs Day an hmang a, EFCC minister Lalthansanga leh principal chief conservator of forests AK Biswal ten an hmanpui.

Ramngaw leh nungcha humhalhna vanga thite hriatrengna ni, National Forest Martyrs Day hmannah hian EFCC department hnuaia thawk, hna an thawh laia thite hriatrengna leh zahna chibai bûkna hun hman a ni. Minister hian Bethlehem Vengthlanga State Forest Training Institute hmunhmate a fang nghal bawk.

National Forest Martyrs Day hi India ramah kum 2013 khan September 11-ah hman ṭan a ni a; September 11 hi kum 1730-a Bishnoi hnam mi 363-te'n ramngaw an humhalh vanga an lal kuta an thih ní niin, chumi hriatreng nan chuan September 11-ah National Forest Martyrs Day hman ṭhin a ni.