Rualbanlote hnenah hmanrua sem

Adviser to chief minister Dr Lorrain Lalpekliana Chinzah, MLA chuan nimin khan Lawngtlai DC conference hall-ah Samagra Shiksha bultumin vohbik naupang mamawh bik nei (children with special needs)-te hnenah anmahni puitu tur hmanruate a sem.

Dr Lorrain Lalpekliana Chinzah chuan, vohbikte chu sorkarin a ngaih pawimawh thu sawiin, "Zirna-in an rah theihna tur, an harsatna sukiang tur leh an dikna chanvote humhalh turin theihtawpin hna a thawk a, kum tin sum leh pai tam tak a sêng ṭhin," a ti a; taima leh tumruh taka sikul kal tur leh hmanrua an dawnte chu ṭangkai taka hmang turin naupangte a chah.

Vohbikte hnenah hian wheelchair 11, zakdawh tiang pahnih, tarmit 90, bengdár pakhat leh khup tuamna (knee guard) pahnih sem a ni.