HIV/AIDS dona Red Run huaihawt

Mizoram State AIDS Control Society (MSACS) leh Kolasib College-a Red Ribbon Club leh NSS-te chuan nimin zing khan Kolasib-ah Red Run - Marathon for HIV/AIDS Awareness an huaihawt a, Kolasib District Hospital-a medical officer (i/c OST) Dr Lalthanzami'n a vailiam.

Red Run hi zing dar 6-ah Kolasib College tualah ṭan a ni a, zirlai 40 vel telin, Kolasib Hmarvenga DTO Office thleng an thlan hnuah an let leh a ni. Dr Lalthanzami'n HIV/ AIDS chungchang leh inven dante a sawi a; ṭhalaite chu mi dangte zirtirtu ni turin a chah.