Lirthei tlan dan tur ruahman
Traffic SP Stephen Lalrinawma hnen aṭanga thu dawn danin, Aizawla lirthei tlan tam zual hun (peak hour) laiin Khatla kâwnah traffic a jam nasat ṭhin avangin zing dar 9:15 - 10:00 inkara lirthei tlan dan tur ruahman thar a ni.
Stephen Lalrinawma chuan, ruahmanna an siamte zâwm ṭheuh turin mipui a ngen a, "Ruahmanna kan siamte mipuiin an zawm ṭhat chuan traffic jam a ziaawm deuh kan ring," a ti.
TRAFFIC POLICE RUAHMANNA
▶ Sikulpuikawn aṭangin MINECO, Bungkawn, etc. lam pan turte chauh Peter Street, Khatlaah chhuk thlak tur.
▶ MINECO, Bungkawn, etc. ni lo, hmun danga kal turte chu Sikulpuikawn aṭangin MG Road, Upper Khatla lamah kal tur.
▶ Bungkawn leh Nursery Veng lam aṭanga MINECO pan turte chu Chawnga Road lam aṭanga kal tur.
▶ Bungkawn leh Nursery Veng lam aṭanga lirthei kal, MINECO ni lo hmun danga kal turte chu Lai House, Bungkawn lam aṭangin Khatla lamah kal tur.
▶ MINECO aṭanga Bungkawn lama kal turte chu Marova Point, Assam Rifles Sector gate bul aṭanga kualin Lai House kawngah kal tur.