YMA Rorel Inkhawm agenda tur 13 pawm

YMA rorelna sang ber dawttu, Central Coordination Committee (CCC) ṭhutkhawm vawi 100-na chu nimin khan Central YMA Hall-ah neih a ni a, kumina YMA Rorel Inkhawma ngaihtuah turin agenda 13 an pawm.

YMA CCC ṭhutkhawm hi CYMA president Lalhmachhuana'n a kaihhruai a, CYMA hruaitute bakah, sub-headquarters, group leh Aizawl khawpui chhunga branch-te aiawh mi 252 an tel. October 24, 2024-a Aizawla YMA Rorel Inkhawm vawi 4-naa ngaihtuah tura agenda lutte an thlifim a; agenda atan 13 an pawm a, YMA khawih pariat leh sorkar khawih panga a ni.

Nimina YMA CCC ṭhutkhawm hi a vawi 100-na a nih angin hemi pual hian hun hman a ni bawk.