Covid-19 vei hmuh thar mi 50 zinga 23 Mizoram chhunga kai
September 28, Thawhṭannia Mizorama Covid-19 vei hmuh chhuah mi 50 zingah Mizoram chhunga kái chhâwng (local positive contact)-a ngaih mi 23 an awm a, an zinga mi 22-in Covid-19 symptom an neih loh laiin, mi pakhatin a nei.
Swab test result nimin zinga chhuaka Covid-19 positive zingah Bawngkawn mi 10 an tel a, anni nen hian Bawngkawnah hian hripui kai hmuh chhuah tawh zat chu mi 75 chuang an ni tawh a, Pathianni thleng khan mi 19 chhuahtir an ni tawh tih an veng LTF hruaitute zinga mi Lalberchhandama chuan Vanglaini a hrilh.
Bawngkawn hi VC/LC pakhat huam chhunga hripui vei hmuh tamna ber a nia hriat a ni a, tunah hian Aizawl District Magistrate-in containment zone-ah a puang mek a ni.
Covid-19 vei hmuh thar Mizorama kaite
Khua/Veng A zat An dinhmun / kai chhan
Mipa 4 (kum 10, 26, 32 & 51),
hmeichhia 6 (kum 14, 19, 34 & 38),
Bawngkawn 10 Sept. 24-a sample lak, inkhung lai,
chhan hrang hrang vanga kai.
An venga +ve hmuh tawh zat 75.
Mipa 4 (kum 29, 34, 40 & 44),
hmeichhia 2 (kum 24 & 30),
Home quarantine lai, symptom nei lo,
Melthum 6 Sept. 24-a sample lak.
Hmeichhe 1 LBS Suzuki-a scooty la,
mipa 2 & hmeichhe 1 - Hlimen aṭangin;
mipa 2 MZU lam aṭangin.
Mipa 3 (kum 2, 21 & 28),
Tuikual North 6 hmeichhia 3 (kum 17, 23 & 45),
symptom nei lo, Sept.24-a sample lak,
Vishal Megamart kaihhnawihte.
Zarkawt 1 Hmeichhia kum 35, symptom nei lo,
Sept. 25-a swab sample lak.
Aizawl (RAT) 1 Mipa kum 31, BSF sipai,
symptom neih vanga endik.