Zirna hi investment ṭha a ni - R Romawia

T Romana College-in nimina Vanapa Hall-a zirlai thar lawmna leh zirlai chhuak turte thlahna hun an hman chu, Higher & Technical Education (HTE) minister R Romawia'n a hmanpui a, "Zirna hi investment ṭha tak a ni," a ti.

R Romawia chuan, pi leh pu hun aṭang tawhin Mizote'n zir thiamna an ngaisang tih sawiin, "A tir aṭanga zirin, thiam nghal zel a nih chuan hun tawp exam hunah pawh philí buai tam loin pass mai theih a ni. Mizote hi hnam vannei tak khawvel huap pawhin kan ni a, hnam ṭhenkhat duh loh leh hnawhchhuah an awm lain Mizote chu kan thlen chin apiangah lawm kan hlawh ṭhin," a ti.

T Romana College hi kum 1992-a din a ni a, arts subject hrang hrang zirna kalpui mek a ni. Tunah hian National Assessment & Accreditation Council (NAAC) chuan ‘B’ Grade accreditation a pe a ni.

Kum 2016-17 acade-mic session-ah zirlai 894 an awm a; tun hnaia MZU-in under graduate result a tihchhuahah T Romana College zirlai pathum chu rank holder an ni.