Covid-19: Mizoram dinhmun Niminah mi 89 an chhuak

Sorkar thuchhuah tarlan danin, ZMC-a Covid-19 positive hmuh chhuah thar mi 42 zinga 23 chu Mizoram chhunga kái chhâwng (local positive contact) an ni a; mi 19-te erawh chu tun hnaia state páwn aṭanga rawn lut an ni thung. An vaiin Covid-19 symptom nei lo an ni.

Mizoram chhunga kái chhawngte chu - Bawngkawn mi 10, Melthum leh Tuikual North-a mi paruk ve ve leh, Zarkawta mi pakhat an ni. Mizoram páwn aṭanga rawn lutte chu - Assam Rifles mi pahnih, CRPF mi 14, Indian Air Force-a mi pakhat, Thingsulthliaha Pioneer camp-a awm BRO-a thawk pakhat leh, civil mi pakhat an ni a; mipa vek niin, quarantine facility-a awm lai vek an nih thu, sorkar thuchhuahin a tarlang.

September 28-a Lunglei Civil Hospital TrueNAT laboratory-a hripui vei hmuh chhuahte chu BSF sipai paruk leh Assam Rifles sipai pakhat an ni a; state pawn aṭanga rawn lut, khung hran lai vek an ni.

RAT hmanga Covid-19 positive hmuh chhuah thar chu Aizawla BSF sipai a ni a, Covid-19 symptom a neih vangin hmanhmawh thilah RAT hmanga endik a ni.