LADC inthlan chungchang Lehkhabu tlangzarh a ni

Lai Autonomous District Council (LADC)-a Member of District Council (MDC) inthlan awm tawh zawng zawnga ding (candidate)-te leh thlan tlinte hming, dinhmun leh thil pawimawh hrang hrang tarlanna lehkhabu, 'Members of District Council - Lai Autonomous District Council Election Results & Statistics' tih, LH Hauheng buatsaih chu nimin khan Lawngtlai DC conference hall-ah bawrhsap Dr Andrew H Vanlaldika'n a tlangzarh.

Lehkhabuah hian Pawi-Lakher Regional Council inthlan ṭum li - 1954, 1959, 1964 leh 1970 te, Pawi Autonomous District Council inthlan ṭum thum - 1973, 1977 leh 1982-te leh, LADC inthlan ṭum sarih - 1988, 1992, 1997, 2002, 2005, 2010 leh 2015-a candidate leh result-te dah a ni a; Mizoram MLA inthlana Lawngtlai district chhung bika inthlan result leh MLA ni tawhte tarlan a ni bawk.