MNF-in CM thusawi an sawifiah

MNF party chuan thu­chhuah siamin, Assembly session zawh tâka chief minister Zoramthanga'n, Peace Bonus leh BAFFA­COS-te a phuah chawp nia a sawi chu an sawifiah a; project hming reng reng phuah chawp vek a nih thu an tarlang.

MNF chuan, sorkar laipuiah pawisa dilna tur project siamah hming a neih a ngai a, project hming tur chu a siamtute'n an phuaha an vuah ngei a ngai tih sawiin, "Pawisa an sanction dawn khan hming a neih ngei ngei a ngai a, chu project chu central sorkarin a lo pawm khan a pekna tur (funding) remchang aṭangin a lo pe 

ṭhin. Non Lapsable Central Pool of Resources pawisa pawh ni se, project siama a hming phuaha tih loh chuan pawisa pek ngaihna a awm lo," an ti.

CM Zoramthanga'n Peace Bonus te, BAFFACOS-te leh project dang tam tak hming phuahin a vuah tawh ṭhin tih sawiin MNF chuan, "Department-in pawisa dilna project an siam pawh a hming an phuaha an vuah vek a ngai. Chu chu tun hma aṭangin sorkar kalphung a ni a, tun hnuah pawh a la ni zel bawk dawn," an ti a; Chief Minister thusawi sawi hnàwmtute pawh an pian­-chhuahin hming an inphuah ve tho tih an sawi.