Kawng siamṭhat dan tur rél

Nimin khan Champhai DC Maria CT Zuali hoin Tuipuiral zirlai in, Dungtlangah inràwnkhawmna buatsaih a ni a, BRTF road Dungtlang aṭanga Samthang leh Vaphai tan tlanga Farkawn panna kawngpui siamṭhat a nih theih dan tur an sawiho.

Maria CT Zuali chuan, Champhai district-ah kawngpui ṭha leh felfai nei tura ṭan lak zel a nih thu sawiin, "Dungtlang aṭanga Farkawn panna kawng siam ṭhat thuai a nih theihna tura inràwnkhawmna buatsaih a ni," a ti a; khawtlang hruaitute chu kawngpui enkawl uluk tur leh khaw fai tak siam tuma ṭan la turin a chah.

Champhai DFO Lalduhthlana sawi danin, Dungtlang-Farkawn kawng siam tur avangin ramngaw tihchhiat tur chhût chhuah hù, hectare 57-a zau chu Farkawn Site Allotment Board-in Compensatory Afforestation (CA) atan an ram chhung Sihdarh ramah an pe a ni.