Lawngtlaiah Literacy Day

Lawngtlai District Hub for Empower-ment of Women, Women and Child Development chuan nimin khan LADC Hall-ah International Literacy Day an hmang a, Lawngtlai bawrhsap Cheemala Siva Gopal Reddy-a'n a hmanpui.

Lawngtlai Bawrhsap chuan, Mizoram chu literacy rate-ah sang viau mah se, Lawngtlai district bik a hniam fâl tih a sawi a, "Lawngtlai district mipuite'n theih­tawpa beihpui thlak a ngai. Literacy rate ṭha tak nei turin sorkar chauhin tih theih a nei lo a, zirtirtu, nu leh pa, ram hruaitu, tlawmngai pawlte leh kohhrante'n ṭan lak tlan a ngai," a ti.

Inkhawmah hian International Literacy Day puala 'Importance of girl's child edu-cation' tih thupui hmanga high school leh middle school zirlaite tana essay intihsiak leh primary school zirlaite tana auhla phuah leh lemziaka intihsiakna lawmman semna a ni.