Vaihlo ṭhat lohzia inzirtirna kawngzawh

Mizoram State Anti-Tobacco Day pualin September 11, Nilaini khan Health & Family Welfare department leh Southern Flower School zirlaite'n Lunglei khawpuiah kawngzawh an huaihawt a, Health minister Lalrinpuii'n a vailiam.

Kawngzawh ṭan hmain Civil Hospital, Lunglei tualah inkhawm tawi buatsaih a ni a, Health Minister-in kawngzawha telte chu zûk leh hmuam laka inthiar fihlim tur leh, an ti mek a nih pawhin sim tum turin a chah. Vaihlo ṭhat lohzia mipui zirtir ṭhin turin a chah bawk.

Kawngzawhah hian HFW department-a thawkte leh Southern Flower School zirlaite an tel a, Civil Hospital kawt aṭanga Convention Centre kawt thlengin kawng an zawh. Vaihlo leh a kaihhnawihin hriselna a khawih pawi theih dan, thihna thlentu a nih dan leh zûk leh hmuam laka inthiar fihlim tura inzirtirna thuziakte an keng a ni. September 11 kha kum 2014-a hman ṭan Mizoram State Anti-Tobacco Day a ni.