Zirlaibu tihtlem chhan sawifiah

Nimin khan SCERT Committee Room-ah sikul zirlaibu ṭhen­khat thlak leh tihdanglam vanga thil awm dan inhrilhfiahna, 'Sensitization Programme on NCERT Textbooks' buatsaih a ni.

SCERT joint director Laldawngliani Chawngthu chuan text book thlak a nih dan leh a thar buatsaih a nih dan a sawifiah a; zirlaibu chu NCF 2005-in a phût anga subject tihtlem te, naupangte iptê tihzângkhaite tum a nih avangin NCERT-in subject titam loin a chhûng khawm tih a sawi.

Laldawngliani Chawng­thu chuan, zir­laibu chu tlem mah se, zir tur erawh a tam thung tih a sawi a; zirlaibu pakhatah zir tur tam tak a awm a, Grammar pawh a bu hrana zir loin, Mizo leh English textbook chhungah a tel vek niin a sawi bawk.