Bangalore-a training tur thlang

Mizoram Skill Development Society (MSDS) chuan Larsen & Toubro, Bangalore nen ṭangkawpin in sak dan zir turin Mizo ṭhalai ṭhahnem tak an thlang chhuak a, L&T Construction Skills Training Institute (CSTI), Bangalore-ah an zir ang.

L&T CSTI, Banga­lore-a zir tur batch hmasa ber mi 24-te zinga ṭhenkhat chuan Ningani khan Aizawl an chhuahsan a, vawiina mi dangte an chhuak leh ang. Training hi thla thum tur a ni a, an training chhung thla tin stipend Rs. 1,700 an la ang.

Training chhuakte chuan National Council on Vocational Training (NCVT) test an paltlang chuan Directorate General of Employment & Training (DGET) certificate pek an ni dawn a; L&T sub-contractors-te hnuaiah an duh chuan hna an thawk zui thei dawn a ni.