V/C inthlan tur thlirlâwk

District Level Stan­ding Committee on Vil­lage Council Election chu district election officer Jitender Yadav, Kolasib DC hoin nimin khan

DC Conference Hall-ah an ṭhukhawm a, April 30, 2015-a V/C inthlan tura Kolasib district inpuah­chahna leh ruahmanna siamte an thlirho.

Jitender Yadav chuan, V/C inthlan tura thil thar awmte chu mipuite'n an hriat chian a pawimawh thu a sawi a; inthlanna felfai leh muanawm neih a nih theih nan inthlanna buaipuitu te, political party aiawh te, NGO te, media-te leh mipui ṭawiawmna a ngen.

Kolasib district-ah hian V/C 52 a awm a, seat 256 awm zinga 65 chu hmeichhe tana hauh a ni. Kolasib district-a chhungkaw 16,199 aṭangin voter mi 50,873 (mipa 24,923 leh hmei­chhia 25,950) an awm a; polling station 52, polling booth 64 leh polling (voting) compartment 96 siam a ni.