Lehkhabu hlui 316 tlangzarh

Sorkar laipuia Communication and Information Technology Ministry hnuaia Centre for Development of Advance Computing (CDAC) bultumin, nimin khan Mizoram State Central Library-ah Mizorama lehkhabu hlui leh váng tawh chi hrang hrang lak khawm, bu 316 chu Art & Culture director R Hmingthanzuala'n chhiar theih turin a tlangzarh.

Lehkhabute hi Mizo ṭawnga ziah 291 leh sap ṭawnga ziah 25 a ni a; Hmingthanzuala chuan, lehkhabu hlui leh váng tawh tak tak bu 316 an nei thar chu lawm­awm an tih tak zet thu sawiin, sorkar laipui ṭan lakna vanga tihpuitlin a nih thu a sawi. Central Library-a principal technical officer Utpal Kumar Saha-ia'n thu a sawi bawk.