Serchhipah Poshan Maah hawng

Nimin khan Serchhip DC pisa meeting hall-ah Rashtrya Poshan Maah (National Nutrition Month) hawnna inkhawm buatsaih a ni a, bawrhsap Kumar Abhishek khuallian a ni.

Kumar Abhishek chuan, Rashtrya Poshan Maah chu Poshan Abhiyan hmalakna péng pawimawh, nu nau pâi leh nau pawmte leh, naute kum 6 hnuai lam hriselna kawnga beihpui thlakna a nih thu a sawi a, "Nu hriselnain fa hriselna a nghawng a, fa hriselna chuan ṭhangthar awm zel turte hriselna a nghawng avangin he hmalakna hi hmalakna pawimawh, ram tana chhenfakawm, uar taka mipui zirtir chi a ni," a ti.

Inkhawm kaihruaitu Serchhip CDPO Lalbiakliana chuan, Poshan Maah hman dan tur leh hman chhunga hmalakna turte a tarlang a; district level leh block level-ah hmalakna chi hrang hrang kalpui a nih tur thu a sawi.

Hawnna inkhawmah hian additional DC Lalmuansanga Ralte, Thenzawl SDO Kulo Thungan, sorkar mi pawimawh dangte leh thuthar thehdarhtute an tel a ni.