Lalduhoma'n puh a nihnaah insawifiahna a la thehlut lo

ZPM Legislature Party (ZLP) leader Lalduhoma chuan, MLA aṭang bàn a nih theihna tura hêk a nih chungchangah Assembly Speaker-in insawifiah tura tihnaah nimin thleng khan insawifiahna a la thehlut lo.

MNF MLA 12-te'n Indian Constitution 10th Schedule Para 2(2) bawhchhia a puh a, báng tura Assembly Speaker an ngen avangin Legislative Assembly Secretary chuan September 24 khan Lalduhoma chu insawifiah turin a hriattir a; insawifiahna hun atan Lalduhoma ni 14 chhung hun pek a ni.

Vanglaini palai zawhna chhangin Lalduhoma chuan, insawifiahna a la thehluh loh thu a sawi a, "Vawiin (nimin) khan kan Legal Board lamte nen kan la sawiho chauh. Insawifiah tura min tihna a la rei lo a, ka la thehlut hman lo. Ni 14 chhung chuan ka thehlut hman ang," a ti.