NGOCC leh Zo United inkâwm

NGO Coordination Committee (NGOCC) hruaitute leh Manipura Zo hnahthlak pawl hrang hrang intêl khawmna Zo United hruaitute chu nimin khan Central YMA Committee Room-ah an inkâwm.

Inkawmhona hi NGO CC chairman Lalhmachhuana, Central YMA president-in a kaihruai a; Zo United kal zel dan tur leh Manipur-a Zo hnahthlak hnam hrang hrangte inpumkhatna leh inunauna chungchang sawiho a ni. Zo United hi Zo fa hnam hrang hrangte lungrual taka an telna

a nih avangin tihchak zel a wul thu te, inunauna leh inpumkhatna turin theihtawp chhuah a ṭul thute an sawi.

Ṭhutkhawmah hian Zo United aṭangin convener Albert Renthlei hoin an tel. Zo United-a tel pawl hrang hrang - Hmar Inpui, Mate Tribe Council, Zomi Council, Mizo People Convention, Sukte Tribe Council, Paite Tribe Council, Tangkhal Tribe Organisation, Hill Tribe Council, Manipur Tribal Forum Delhi, Indigenous Tribes Advocacy Committee aiawhte an tel thei a; kawng chhia leh harsatna dang vangin pawl ṭhenkhat aiawh an tel thei lo thung.

Zo United hi September 7, 2023 khan NGOCC kaihhruainain Manipur-a Zo hnahthlak pawl hrang hrangte nen CYMA Committee Room-ah din a ni.